Sê nobedarên berpirsiyariya Ozgûr Gûndemê, Ayşe Dûzkan, Mehmet Alî Çelebî û Ragip Dûran, hevberpirsê berê yê weşana Ozgûr Gûndemê Hûseyîn Aykol û Hûseyîn Bektaşê nivîskar hatin dadkirin.
Sê nobedarên berpirsiyariya Ozgûr Gûndemê, Ayşe Dûzkan, Mehmet Alî Çelebî û Ragip Dûran, hevberpirsê berê yê weşana Ozgûr Gûndemê Hûseyîn Aykol û Hûseyîn Bektaşê nivîskar hatin dadkirin.
Dozgerîya Dadgeha Cezayên Giran a 13. a Stenbolê xwest ji bo bersûcan 46 sal cezayê girtinê bê dayin.
Rojnamegerên têne dadkirin beşdarî dadkirinê nebûn. Parêzerên rojnamegeran Fîkret Îlkîz û Ozcan Kiliç beşdarî dadkirinê bûn.
Dozgerê dadkirinê, Omer Karakayayî mûtaala da, wî xwest ji bo bersûcan ceza bê dayin. Dozgerî ji bo hevberpirsê berê yê weşana Ozgûr Gûndemê, Hûseyîn Aykolî xwest bi sûcê “sivikkirina wan kesên li dijî terorê têdikoşin” 3 sal cezayê girtinê bistîne ji bo “propagandakirina ji bo rêxistina terorî” jî 13 sal cezayê girtinê bistîne.
Dozgerî bi sûcê “propagandakirina ji bo rêxistinê” ji bo her yek ji Ragib Dûran, Mehmet Alî Çelebî, Hûseyîn Bektaş û Ayşe Dûzkanê 7 sal û nîv cezayê girtinê xwest.
Bi biryara dîwana dadkirinê, di 21ê Hezîranê de rûniştina dadkirinê dê bê kirin.
Çi bûbû?
Piştî 24ê Tîrmeha 2015ê pevçûnan dest pê kir, gelek doz li Ozgûr Gûndemê hatin vekirin. Li hemberî zordariyan Ozgûr Gûndemê Kampanyaya Nobedariya Berpirsiyariya Weşanê da dest pê kirin.
Doza ”propagandaya rêxistina terorî” li wan kesên ku ji bo rojekê bûbûn berpirsên weşanê, hat vekirin.
Nobedarên Weşana Ozgûr Gûndemê, 38 rojnameger bi sûcên “propagandaya ji bo rêxistina terorî” û “çapkirin û belavkirina bang û daxuyaniyên rêxistinên terorî bi Xala 6. a Qanûna li Dijî Terorê ya 3713ê têne dadkirin.
Navê rojnamegeran: A. Kumru Başer, Ahmet Nesin, Ayşe Batumlu, Ayşe Düzkan, Beyza Üstün, Can Dündar, Celal Başlangıç, Celalettin Can, Cengiz Baysoy, Çilem Küçükkkeleş, Derya Okatan, Dicle Anter, Erol Önderoğlu, Ertuğrul Mavioğlu, Faruk Balıkçı, Faruk Eren, Fehim Işık, Hüseyin Tahmaz, Hakkı Boltan, Hasan Cemal, Hasan Hayri Şanlı, İbrahim Bodur, İhsan Çaralan, Julide Kural, M. Ali Çelebi, Murat Çelikkan, Murat Uyurkulak, Nadire Mater, Necmiye Alpay, Nevin Erdemir, Öncü Akgül, Ragıp Duran, Said Sefa, Şanar Yurdatapan, Şebnem Korur Fincancı, Tuğrul Eryılmaz, Veysi Altay, Yıldırım Türker.
Sê kesên beşdariya kampanyayê kiribûn; berpirsê Tirkiyeyê yê Rojnamegerên Sînornenas, Erol Onderoglû, seroka Weqfa Mafên Mirovan a Tirkiyeyê, Şebnem Korûr Fîncanci û nivîskar Ahmet Nesîn ji bo demekê hatin girtin.
Di 16ê Tebaxê de Dadgeha Cezayên Sûlhê ya 8. biryara girtina Ozgûr Gûndemê da.
Di 19ê Tebaxê de, Asli erdogan a nivîskara Ozgûr Gûndemê û endama Lijneya Şêwirmendên Weşanê hat girtin.
Di 22yê Tebaxê de Zana Kayayê berpirsê weşana Ozgûr Gûndemê û berpirsê naveroka nivîsan Inan Kizilkaya hatin girtin.
Di 31ê Tebaxê de, endama Lijneya Weşanê ya Ozgûr Gûndemê, Necmîye Alpaya nivîskar û zimanzan hat girtin.
Derbarê 50 rojnamegerên Nobedarên Weşanê de lêpirsîn dan destpêkirin û derbarê 39 rojnamegeran de jî doz hat vekirin.
Di 29ê Kanûna 2016an de Asli Erdogan û Necmiye Alpay serbest hatin berdan.(EA/MB)
BİANET
