Serokatîya mafê mirov li Herêma Kurdistanê di ropela xwe ya medya civakî da daxwaza CVyên nûnerên pekhateyan kir û bi hebûna CVyên pêkhateyan nûnerên wan ji layê desteya mafê mirov ve hatin hilbijartin û yekem kombûna borda pekhateyan li 04-21-22 hat encamdan ji bo hevnasîn û dîyarkirina kesên ku nûneratîya pekhateyan li Herême dikin.
Di kombûna duyem da ku li 06-02-22 hat encamdan bi şêweyekî fermî bord hate ragihandin û dest bi peyrew û pirogramê vê desteyê bû.
Ev bord dê kar li ser hindê bike ku erk û mafên her pêkhateyeka Herêma Kurdistanê bên parastin li dû çarnama cîhanî ya mafê pekhateyan daye nasîn û bê cûdahî kar bi yasaya hikûmeta Herêma Kurdistanê ya ku bo pêkhateyan daye dîyarkirin, bête kirin .
Xanim Hêlan Çiya nûnera Yesna ya Zeredeştiyan li Duhokê bo Dengê Amerîka got:
“Bi xweşhalî, ev yekem pengav e ku desteya serbixwe ya mafê mirov li Herema Kurdistane diaveje ku dibe cihê xweshalî û kêfxweşiya me. Ew dibe asankirin û hevkarî di gel wan heval û pekhateyan ku em bûne berpirs û nûnerên wan.”
Ji bo guhdarîkirina li raportê fayla deng veke
VOA
