Newroza îsal dê bi dirûşma “Dem dema serkeftinê ye” ( http://mezopotamyaajansi35.com/kr/HEM-NCE/content/view/164109 ) were pîrozkirin. Starta Newrozê dê bi pêşengtiya Kongreya Civaka Demokratîk (KCD), Tevgera Jinên Azad (TJA), Partiya Herêmên Demokratîk (DBP) û Partiya Demokratîk a Gelan (HDP), sibe (10’ê adarê) li Amedê bi deklarasyonekê bê dayîn. Deklarasyon dê bi tevlibûna Partiya Komunîst a Kurdistanê (KKP), KDP-Bakur, Partiya Azadî, Partiya Însan û Azadiyê (PÎA) û Komeleya Şoreşger û Demokratîk a Kurd (DDKD) bê ragihandin.
TIFAQA KURDISTANÎ
Di pîrozbahiyên Newrozê de mijara sereke dê bibe azadiya Rêberê PKK’ê Abdullah Ocalan. Her wiha bi tevlibûna partiyên kurd ên di bin sîwana Komxebata Tifaqa Kurdistanê de jî dê balê bikişînin ser yekitiya neteweyî ya gelê kurd.
TIFAQA DEMOKRASIYÊ
Di 11’ê adarê de jî dê bi pêşengtiya Kongreya Demokratîk a Gelan (HDK) û Partiya Demokratîk a Gelan (HDP), di 11’ê adarê de bi tevlibûna partiyên çep sosyalîst re deklarasyona Newroza îsal bê ragihandin. Dê pêkhateyên HDK û HDP’ê, Hêzên Têkoşîna Yekbûyî (BMG) û Partiya Karkeran a Tirkiyeyê (TÎP), Partiya Kedê (EMEP), Partiya Azadiya Civakî (TOP), Partiya Tevgera Kedkar (EHP), Federasyona Meclisên Sosyalîst (SMF) û Halkevlerî di daxuyaniyê de amade bin. Dê di Newroza îsal de bi tevlibûna partiyên çep sosyalîst re balê bikişînin ser Tifaqa Demokrasiyê.
AGIRÊ EWIL DÊ LI BÊŞEBAPÊ WERE VÊXISTIN
Piştî ragihandina deklarasyonên li Amed û Stenbolê, dê agirê Newrozê cara ewil li Bêşebap a Şirnexê were vêxistin.
MA
