Damezrandina Komara Tirkiyeyê "projeyeke Îngilîzan e!" Îngilîzan, wê demê ji bo hêzeke astengdar li pêşiya Yekitiya Sovyetê ya ku karîgeriya xwe li ser Kurdistanê û Enedolê zêde dikir pêk bînin, biryara damezrandina dewleta Tirk dane û piştgiriya Mistefa Kemal kirine. Vê guhertina tevgera Îngilîzan, piçki jî bi armanca sererastkirina Sevrê ye. Wan bi guhertina vê tevgerê re, dest ji piştgiriya Yûnaniyên li Enedolê berdane. Dema Yûnanî bi paş ve diçin, Tirk li pey wan dikevin Îzmîrê. Kurteya Cenga Rizgariyê ya Tirkan ev e. Guhertina tevgera Îngilîzan a wê demê, hetanî roja îroyîn jî bandoreke kûr li ser tekoşîna netewî ya Kurd hiştiye.
