Wezîrê Karên Derve yê Iraqê Fûad Hisên jî li ser komkujiya Tirkiyeyê li Zaxo’yê bi amadebûna şandeyeke leşkerî ji çapemeniyê re axivî.
Fûad Hisên diyar kir kesên pispor û berpirsên leşkerî li gel wan derbarê komkujiya Zaxo’yê de lêkolîn kirine û got: “Di encama lêkolînê de derket holê ku bombebaran (topbaran) ji aliyê artêşa Tirkiyeyê ve hatiye kirin.
Fûad Hisên diyar kir hebûna Tirkiye ya li ser axa Iraqê nayê qebûlkirin û got: “Eşkere bû ku şerê dewleta Tirk ne li gel PKK’ê ye. Tirkiye bi dehan gundên Kurdistana Iraqê dagirkiriye û xelkê sivîl dikûje.”
Hisên ji Tirkiyeyê xwest lêborînê bixwaze û got: “Pêwîste Tirkiye van êrîşan bide rawestandin û em ê li Asayîşa Navnetewî giliyên li dijî Tirkiyeyê tomar bikin.”
MA
