Gemiyeke leşkerî ya hêzên Deryayî yên Amerîka sê gulleyên huşdariyê avêtin gemiyên Îranê li nêzîkî kendava Farisî, li gor berpirsên berevaniya Amerîka.
Ajansa Rueters ragihand ku 4 gemiyên nobedarên şoreşgerî yên Îslamî bi awakî beza nêzîkî bingeha deryayî ya Amerîka dibûn dema leşkerên Amerîka gulle avêtin.
Rûdan qewimî li tengava Hurmuz a di navbera kendava Oman û ya Farisî de.
Berpirsên Amerîkî yên ku nexwestin navên xwe diyar bikin ji Rueters û CNN re gotin wan bi riya Radyo daxwaz ji gemiyan kir ku beza xwe kêm bikin lê wan çi bersiv nedan.
Berpirsan her wiha gotin wêrankera deryayî û balafireka helikopter a Amerîka her wiha dûman berdan.
