Wezîrê Karên Derve yê Tirkiyeyê Hakan Fidan û Wezîrê Karên Derve yê DYA’yê Marco Rubio bi rêya telefonê hevdîtinek pêk anîn. Di hevdîtinê de geşedanên herêmî û fûzeya ku ber bi qada hewayî ya Tirkiyeyê ve hatibû avêtin, hatin nirxandin.
Li gorî agahiyên ku ji çavkaniyên Wezareta Karên Derve hatine wergirtin, Wezîr Hakan Fidan bi hevpîşeyê xwe yê Amerîkayî Marco Rubio re axivî. Di vê peywendiya telefonî de mijara sereke rewşa dawî ya herêmê û ewlehiya qada hewayî bû.
Fuzeya Balîstîk Hatibû Tepisandin
Di hevdîtinê de bi taybetî li ser fuzeya balîstîk a ku ji aliyê Îranê ve hatibû avêtin û ber bi qada hewayî ya Tirkiyeyê ve dihat, sekinîn. Hat ragihandin ku ev fûze ji aliyê hêzên parastina hewayî û fûzeyan ên NATO’yê ve, ku li Rojhilatê Deryaya Spî bi cih bûne, hatiye bêbandorkirin.
Daxuyaniya Wezareta Parastinê
Beriya vê hevdîtinê, Wezareta Parastina Neteweyî ya Tirkiyeyê dabû xuyakirin ku fûzeyeke ji Îranê hatibû avêtin hatiye tespîtkirin û berî bigihîje armanca xwe, di çarçoveya parastina NATO’yê de hatiye jinavbirin.
/Çavkanî: Birgün/
Kaynak: Kurdi arşivleri – Nupel