Li bajarê Sine hêzeke zêde ya emnî hatiye belavkirin û li çend cadeyan jî dûkêl tê dîtin. Çavkaniyên xwecihî yên Rûdawê behsa greva dikandaran li Bane û Seqiz jî dikin û tê gotin dikan û bazar bi giştî girtî ne.
Li gor wan vîdeoyên ku hatine belavkirin, li bajarên parêzgeha Sîstan û Belûçistanê jî greva giştî destpê kiriye. Li bajarên Zahidan, Xaş, Rasek û çend bajarên din ên wê parêzgehê dikanadaran bi armanca pêşandana nerazîbûnê di çilemîn roja kuştina xwepêşanderên Belûç de, dikan û bazarên xwe venekirine.
Li gor wan daxuyaniyên ku di çend rojên bihorî de li ser torên civakî belav bûne, bi armanca piştgirîkirina Belûçan û di çileya canjidestdana nêzîkî 100 Belûçan de li Zahidanê, îro Çarşembê 9ê Mijdara 2022 wek roja greva giştî li Îran û Rojhilatê Kurdistanê hatiye diyarkirin û biryar e ji nîveroya îro ve li hemû bajaran, bi armanca şermezarkirina kuştina Belûçan di “Îna Bixwîn a Zahidan” de, xwepêşandana giştî destpê bike.
Berî 40 rojan di roja Înê ya 30 Cotmeha 2022 de li Zahidanê, piştî nimêja Înê, xwepêşandanê destpê kir. Lê hêzên ewlekariyê rûbirûyê xwepêşanderan bûn û li gor amarên Kampanya Çalakvanên Belûç, 98 kes di wê rojê de bi guleyên rasterast ên hêzên emnî yên Îranê canê xwe ji dest dan.
Rûdaw