Bi hinceta ku di axaftineke xwe ya sala 2015’an de heqaret li Serokkomar Tayyîp Erdogan kiriye doz li Hevserokê Giştî yê berê yê HDP’ê Selahattîn Demîrtaş hatibû vekirin. Di encama darizandinê de 3 sal û 6 meh cezayê girtîgehê li Demîrtaş hatibû birîn. Parêzerên Demîrtaş biryarê li Duyemîn Daîreya Dadgeha Edliyeya Herêmê ya Stenbolê îtîraz kiribûn. Duyemîn Daîreya Dadgeha Edliyeya Herêmê ya Stenbolê, vê serlêdanê nirxand û bi piraniya dengan 3 sal û 6 meh cezayê ku li Demîrtaş hatibû birîn erê kir.
Endamekê dadgehê şerhe muxalefetê danî ser biryarê û destnîşan kir ku tevlî biryara hatiye dayîn nabe.